Aksident në Komoran, vdes këmbësorja
23.10.2019 - 14:29
Një shtetase e Shqipërisë ka vdekur si pasojë e lëndimeve të marra nga goditja e një veture në Komoran të Drenasit.
Lajmin për KALLXO.com e ka konfirmuar edhe Komandanti i Trafikut të rajonit të Prishtinës, Milaim Fejzullahu.
Fejzullahu tha se aksidenti ka ndodhur rreth orës 12:21.
“Po mund të ju konfirmoj se një aksident ka ndodhur rreth orës 12:21 në magjistralen Komoran në drejtim të Caralevës. Një këmbësore ka vdekur si pasojë e goditjes me veturë. Policia dhe prokurori është në vendin e ngjarjes”, tha Fejzullahu.
Ai shtoi se ngasësi i veturës është arrestuar dhe ndaluar në polici.