Fotografia e manipuluar që e lidh Isa Mustafën me partinë e Titos
Deklarata
lsa Mustafes po i daIin te paIarat ja “KNIZICA” qe doIi ne shesh ka qene ne i antarsuar tek Tito ne partine Komuniste”
Vlerësimi
Rrenë
Fotografia e librezës së anëtarësisë në parti që është publikuar është e manipuluar, pasi është vendosë fotografia e Isa Mustafës në një librezë që i përket dikujt tjetër. Dokumenti me të cilin potalet pretendojnë se është një librezë anëtarësimi nuk i përket fare Isa Mustafës. E njëjta librezë, me të njëjtin numër serikë, por me fotografi dhe emër tjetër është e publikuar në internet dhe në media.
Artikulli
Ueb- faqet lajme.buzz, dhe lajmivërtetë kanë publikuar lajmin me titull “lsa Mustafes po i daIin te paIarat ja “KNIZICA” qe doIi ne shesh ka qene ne i antarsuar tek Tito ne partine Komuniste”.
Artikulli është shprëndarë edhe në disa faqe në Facebook si: Veç me Albin Kurtin Kryeminister, Lajme Buzz dhe Atdheu.net. Këto faqe kanë shpërndarë lajmin në data të ndryshme si: 26 korrik 2022, 25 korrik 2022 dhe 16 shkurt 2022.
Lajmi pretendon se kanë publikuar “dokument”, që është librezë e antarësisë në partinë komuniste të Jugosllavisë, që drejtohej nga Josip Broz- Tito.
Fotografia e librezës së anëtarësisë në parti që është publikuar ështe e manipuluar, pasi është vendosë fotografia e Isa Mustafës në një librezë që i përket dikujt tjetër.
Dokumenti me të cilin portalet pretendojnë se është një librezë anëtarësimi nuk i përket fare Isa Mustafës. E njëjta librezë, me të njëjtin numër serikë, por me fotografi dhe emër tjetër është e publikuar në internet dhe në media.
Isa Mustafa kishte mbajtur poste udhëheqëse gjatë kohës që në Ish-Jugosllavi ka qeverisur Partia Komuniste e udhëhequr nga Josip Broz Tito.
Rrugëtimi i Isa Mustafës për në majat e LDK-së
