Qëndrimet e Xhavit Ukajt për taksën, bartjen e shamisë e shkëmbimin e territorit
Kandidati për deputet nga radhët e Lidhjes Demokratike të Kosovës, Xhavit Ukaj tregon në një intervistë për KALLXO.com qëndrimet e tij sa i përket çështjeve të ndryshme të cilat morën vëmendje mediatike.
Cështja e taksës, ndërtimit të hidrocentraleve, termocentraleve, shkëmbimi i territoreve janë disa çështje për të cilat Ukaj dha qëndrimin e tij.
Ai thotë se posti i deputetit do të jetë posti i vetëm që do të mbajë ndërsa shton se në Komunën e Prizrenit njëra nga problemet kryesore këtë vit ka qenë papastërtia.
Tutje Ukaj shton edhe se gjigandi Trepça duhet të privatizohet ndërsa shton edhe se Telekomi i Kosovës duhet të shitet.
Më poshtë mund të lexoni intervistën e plotë me kandidatin Ukaj:
KALLXO.com: Cila është kauza që keni me shty nëse bëheni Deputet?
Xhavit Ukaj: Kauza ime është me i shty disa procese përpara, njëra ndër to është fusha e biznesit
KALLXO.com: Nëse e merrni mandatin, a keni me vazhdu me qenë Deputet apo keni me kalu në ndonjë post tjetër?
Xhavit Ukaj: Postin e Deputetit
KALLXO.com: Cilat taksa mendoni se duhet me u ulë dhe cilat me u rritë në Kosovë?
Xhavit Ukaj: Ka shumë prej tyre, një prej tyre janë taksat komunale, taksat e qerasë e tjera që duhet me u ulë
KALLXO.com: Cilat janë tre amandamentet e para që keni me i propozu?
Xhavit Ukaj: Këto duhet me u mendu
KALLXO.com: Cilat janë 3 problemet apo nevojat kryesore të komunës prej nga vini?
Xhavit Ukaj: Komuna jonë ka brengën më të madhe tani për tani këtë vit e ka pa pastërtinë, mbi ndërtimin e objekteve pa leje edhe problem tjetër është uji
KALLXO.com: A ka gjasa me e ndërru partinë ku jeni tash?
Xhavit Ukaj: Jo
KALLXO.com: A ka gjasa me votu kundër qëndrimit të grupit tuaj parlamentar?
Xhavit Ukaj: Jo
KALLXO.com: Cili grup i diskriminuar ka me ndje më shumë përkrahjen tuaj si Deputete?
Xhavit Ukaj: Grupi i bizneseve dhe i bujqësisë
KALLXO.com: Cka do të bëni për përmirësimin e ambientit dhe ajrit të ndotur në Kosovë?
Xhavit Ukaj: Do të mundohemi deri në maksimum
KALLXO.com: A jeni për apo kundër ndërtimit të termocentralit të tretë me qymyr?
Xhavit Ukaj: Kundër
KALLXO.com: A jeni për apo kundër djegjes së qymyrit nëpër shtëpi gjatë dimrit?
Xhavit Ukaj: Kundër
KALLXO.com: A jeni për apo kundër përdorimit të qeseve të plastikës?
Xhavit Ukaj: Kundër
KALLXO.com: A jeni për apo kundër shitjes së Telekomit të Kosovës?
Xhavit Ukaj: Po
KALLXO.com: A jeni për apo kundër ndërtimit të Autostradës së Dukagjinit?
Xhavit Ukaj: Për
KALLXO.com: A jeni për apo kundër shkëmbimit të territoreve me Serbinë?
Xhavit Ukaj: Kundër
KALLXO.com: A jeni për apo kundër heqjes së tarifës me Serbinë?
Xhavit Ukaj: Kundër
KALLXO.com: A jeni për apo kundër ndërtimit të Hidrocentraleve në lumenjët e Kosovës?
Xhavit Ukaj: Kundër
KALLXO.com: A jeni për apo kundër mbylljes së Universiteteve publike nëpër komuna nëse nuk i akreditohen programet nga Agjensia e Akreditimit?
Xhavit Ukaj: Kundër ato që sjanë të akreditume, normal.
KALLXO.com: A jeni për apo kundër monopolit në homologim?
Xhavit Ukaj: Kundër
KALLXO.com: A jeni për apo kundër martesave të gjinisë së njejtë?
Xhavit Ukaj: Kundër
KALLXO.com: A jeni për apo kundër bartjes së shamive në shkolla?
Xhavit Ukaj: Këtu s’kisha me pas përgjigje
KALLXO.com: A jeni për apo kundër kuotës së Deputetëve nga diaspora?
Xhavit Ukaj: Po
KALLXO.com: A jeni për apo kundër ri dizajnimit të skemës për veteranët e luftës me të cilën është abuzu?
Xhavit Ukaj: Po
KALLXO.com: A jeni për apo kundër heqjes së kartonit të gjelbër për diasporën?
Xhavit Ukaj: Po
KALLXO.com: Kush po ua financon fushatën?
Xhavit Ukaj: Vet
KALLXO.com: Sa vende pune i keni momentalisht dhe sa vende pune keni me i mbajtë gjatë kohës kur keni me qenë Deputete apo Ministre?
Xhavit Ukaj: Dy vende pune i kam momentalisht dhe dy vende pune i mbaj në vazhdim nëse bëhem Deputet
KALLXO.com: Sa janë të hyrat mujore dhe qfarë pasurie keni?
Xhavit Ukaj: Të hyrat mujore janë afër 1000 Euro
KALLXO.com: A e keni pasurinë e përbashkët me bashkëshorten?
Xhavit Ukaj: Jo, do ta regjistroj në të ardhmen Brenda 5 viteve sigurisht
KALLXO.com: Herën e fundit kur jeni sëmurë, ku jeni shëru në spital privat apo publik?
Xhavit Ukaj: Në spital publik
KALLXO.com: Ku keni me shku kur të bëheni Deputete, nëse sëmureni?
Xhavit Ukaj: Njëjtë në publik
KALLXO.com: Fëmijët tuaj, a janë në shkolla publike apo private?
Xhavit Ukaj: Publike
KALLXO.com: Sa familjarë i keni të pa punë dhe a keni me i punësu gjatë kohës që keni me marrë mandatin?
Xhavit Ukaj: Kemi mjaft të papunësuar, nëse e meritojnë
KALLXO.com: Qysh keni me votu pëe fatin e Trepcës, me u privatizu apo me mbet në qeverisje shtetërore?
Xhavit Ukaj: Privatizu
KALLXO.com: Me cilin projekt keni me e kushtëzu votën tuaj për buxhet?
Xhavit Ukaj: Me projektet nga ana e komunës ku e përfaqësoj
KALLXO.com: Cili ka me qenë projekti apo puna me të cilën ju keni me lënë gjurmë si Deputete?
Xhavit Ukaj: Unë e thash edhe më herët qështja e bujqësisë dhe e bizneseve
KALLXO.com: Sa pyetje parlamentare keni me i parashtru brenda një viti?
Xhavit Ukaj: Sa herë ka nevojë, numër skam por sipas nevojës
KALLXO.com: Sa takime me qytetarë keni me i mbajtë gjatë një viti apo mandati?
Xhavit Ukaj: Unë mbaj shumë takime me qytetarë, për qdo ditë jam në takime sepse unë jam edhe këshillar, jam këshilltari më i votuar në Kosovë
KALLXO.com: Makinat më të vjetra se cili vit nuk duhet të lejohen të importohen në Kosovë?
Xhavit Ukaj: Së paku 10 vite
KALLXO.com: Sa dëgjime publike keni me i inicu në komisionet ku keni me qenë pjesë?
Xhavit Ukaj: Nuk e di atë, varet, prej tash s’mundem me dhënë pyetje
KALLXO.com: A jepni dorëheqje nëse ju ngritet aktakuzë?
Xhavit Ukaj: Jo
KALLXO.com: A e votoni rrëzimin e qeverisë nëse Kryeministri ka aktakuzë?
Xhavit Ukaj: Jo në rast se nuk është e plotfuqishme
KALLXO.com: A e votoni një qeveri që i ka mbi 15 Ministri?
Xhavit Ukaj: Po
KALLXO.com: Sa Zëvendësministra duhet t’i ketë një Ministri?
Xhavit Ukaj: Dy Zëvendësministra
KALLXO.com: A keni me i votu për antarësim në borde të ndërmarrjeve publike dhe shoqërore njerëz që nuk i plotësojn kushtet për emërim?
Xhavit Ukaj: Jo
KALLXO.com: A keni me i bo transparente fondet e partisë?
Xhavit Ukaj: Po
KALLXO.com: A keni me i hapë dokumentet dhe faturat në Kuvend apo Ministri?
Xhavit Ukaj: Po