Paraburgim Ndaj të Dyshuarve për Krime Lufte

Shtatë të dyshuar për krime lufte do të qëndrojnë në paraburgim, derisa t’u vijë radha të gjykohen. Kështu vendosi një panel i përzier i gjykatësve kosovarë dhe atyre të EULEX-it nga Gjykata e Apelit në Prishtinë. Të dyshuarve Gjykata Themelore e Mitrovicës më parë ua kishte caktuar masën e arrestit shtëpiak.

Shtatë të dyshuar për krime lufte do të qëndrojnë në paraburgim, derisa të nisë gjykimi ndaj tyre.

NDËRLIDHUR

Të dyshuarve Gjykata Themelore e Mitrovicës ua kishte caktuar masën e arrestit shtëpiak, ndërsa një panel i Gjykatës së Apelit në Prishtinë mori vendim që të njëjtit t’i paraburgosë, thuhet në një komunikatë të EULEX-it, të lëshuar të shtunën.

Vetëm kështu, duke i mbajtur nën arrest, të dyshuarit nuk do të jenë në gjendje të pengojnë hetimet kriminale, duke ndikuar në dëshmitarë, thuhet më tutje në komunikatën e Misionit Europian për Sundimin e Ligjit.

Duke marrë këtë vendim, paneli i përzier me gjykatës kosovarë dhe të EULEX-it i Gjykatës së Apelit në Prishtinë, hodhi poshtë ankesat e mbrojtësve, ndërsa aprovoi kërkesën fillestare të prokurorit special për mbajtje në paraburgim të shtatë të dyshuarve.

Vetëm paraburgimi i të dyshuarve garanton mbrojtjen nga rreziku i manipulimit me faktet, thuhet në arsyetimin  e vendimit të Gjykatës së Apelit.

Rasti i shtatë të dyshuarve për krime lufte është duke u hetuar nga një prokuror i EULEX-it në kuadër të Prokurorisë Speciale të Kosovës.

ETIKETA

01 Qershor 2013 - 11:44

Gazeta Jeta në Kosovë 01/06/2013 - 11:44
NDËRVEPRIMI0

Paraburgim Ndaj të Dyshuarve për Krime Lufte

by Gazeta JNK
NA NDIQNI