Gazetarët Dekurajohen nga Sulmet e Pandriçuara ndaj Tyre

Kryetari i Asociacionit të Gazetarëve të Kosovës (AGK) Shkëlqim Hysenaj, në intervitën dhënë për emisionin “Drejtësia në Kosovë”, ka thënë se mosndëshkueshmëria e kërcënuesve dhe atyre që i sulmojnë gazetarët është një motivim për kryerësit e këtyre veprave dhe një dekurajim për gazetarët që të vazhdojnë me punën e tyre.

Ai ka treguar se vetëm nga janari i këtij viti sipas të dhënave të  AGK-së ka pasur 21 raste të kërcënimeve dhe të sulmeve ndaj gazetarëve.

Ai ka thënë se Kosova në aspektin e sigurisë së gazetarëve ka shënuar regres në dy vjetët e fundit.

Hysenaj ka deklaruar se zvarritja e hetimeve dhe gjykimeve po e bën ambientin për ushtrimin e profesionit të gazetarit edhe më të pasigurt dhe dekurajues.

Ai ka kërkuar nga institucionet e hetuesisë dhe gjyqësori që të merren më seriozisht me rastet e kërcënimeve dhe të sulmeve ndaj gazetarëve.

Siç transmetoi “Drejtësia në Kosovë” as gazetarët nga komunitete tjera nuk janë të sigurt në ushtrimin e profesionit të tyre.

Budimir Niçiq, kryetar i Shoqatës së Gazetarëve nga komuniteti serb, ka deklaruar se asnjë rast i vrasjeve të gazetarëve nuk është zbardhur nga ana e policisë dhe prokurorisë.

Në Emisionin “Drejtësia në Kosovë” të premten, prokurori i caktuar për hetimin e kërcënimeve ndaj gazetarëve Besim Kelmendi tha se i vjen keq kur këto raste nuk ndriçohen.

http://kallxo.com/kelmendi-ndihemi-keq-per-rastet-e-pazbardhura-te-gazetareve/

Në emision u shfaq edhe rrëfimi i Vehbi Kajtazit dhe Behar Mustafës për sulmet ndaj tyre.

http://kallxo.com/rrefimet-e-gazetareve-qe-u-sulmuan-ne-pike-te-dites/

Dje një aktakuzë u ngrit për kërcënimin e një gazetari të KTV-së, ndërsa një gazetare e këtij mediumi u ankua se ka marrë mesazhe kërcënuese pasi deputetja e Xhevahire Izmaku në Facebook e quajti joprofesioniste.

http://kallxo.com/aktakuze-e-prokurorise-per-kercenimin-jete-te-gazetarit/

http://kallxo.com/agk-kerkon-qe-politikanet-te-mos-nderhyjne-ne-punen-e-gazetareve/