Foto: Ramush Haradinaj/Facebook
Ramush Haradinaj viziton vendin ku e pa për herë të fundit vëllain dëshmor
12.4.2019 - 19:32
Kryeministri i Kosovës, Ramush Haradinaj, ka pasur një pasdite emocionuese të premten teksa ka vizituar vendin në të cilin e ka parë për herë të fundit vëllain e tij Luanin, në pranverë të vitit 1997.
Haradinaj, ish-komandant i Zonës së Dukagjinit në UÇK, ka vizituar malin Qafë Mullarë në Pashtrik.
“Aty ku jam ndarë nga Luani më 6 maj 1997, në Qafë Mullarë”, ka shkruar Haradinaj në një postim në Facebook të cilit ia ka bashkëngjitur tri fotografi.
Luan Haradinaj është vrarë më 6 maj 1997 në atë vend gjatë përpjekjes për të futur armatim nga Shqipëria në Kosovë.