Zyrtare: Superliga nis më 7 qershor
Ministria e Shëndetësisë sot ka dhënë lejen për vazhdimin e garave në Superligën e Kosovës në futboll.
Komiteti Ekzekutiv i Kosovës sot ka mbajtur mbledhje nën udhëheqjen e presidentit të FFK-së, Agim Ademin, nga mbledhje e cila është vendosur data për rifillimin e Superligës.
Federata e Futbollit e Kosovës, ka njoftuar se është vendosur që Superliga të nis më 7 qershor deri më 25 korrik.
Ndeshjet e Superligës dhe Kupës së Kosovës do të luhen pa praninë e tifozëve.
“Ndeshjet do të zhvillohen pa shikues dhe sipas orarit që kanë paraparë organet e FFK-së që do të zhvillohen prej 7 qershorit e deri më 25 korrik. KE falënderon Ministrinë Shëndetësisë, MKRS-në si dhe organet tjera për mirëkuptimin dhe vendimin e drejt në të mirë dhe interes të futbollit. Ndonëse, në këtë fazë janë lejuar zhvillimi i garave vetëm për Ipko Superligën e Kosovës, KE varësisht prej situatës do të kërkojë që garat të lejohen edhe për rangjet tjera, por gjithnjë duke mos rrezikuar shëndetin e qytetarëve e me këtë edhe të futbollistëve. KE do të jetë në përkrahje të klubeve, duke ditur gjendjen e tyre të vështirë e sidomos tash në këtë kohë kur edhe përgatitjet e tyre kërkojnë më shumë shpenzime do të shikojë mundësitë që t’u del në ndihmë”, thuhet në njoftimin e FFK-ës.
Klubet e Superligës prej ditës së sotme kanë nisur të stërvitjen në mënyrë grupore.
Kujtojmë se aktivitetet sportive në Kosovë janë pezulluar prej 13 marsit, si masë parandaluese ndaj coronavirusit nga Qeveria e Kosovës.