Kosova U21 publikon listën për ndeshjen me Anglinë
24.8.2021 - 14:22
Kombëtarja e Kosovës U21 ka publikuar listën e lojtarëve të ftuar për ndeshjet e muajit shtator.
“Dardanët” e rinj do të përballen me Anglinë në kaudër të kualifikimeve për Kampionatin Europian që mbahet në vitin 2023.
Kosova U21 do të luajë me “Tre Luanët” më 7 shtator në ora 19:00 në Milton Keynes.
Përzgjedhësi Michael Nees ka publikuar emrat e 23 lojtarëve që do të marrin pjesë në këtë takim të vështirë.
Në këtë listë të ftuar janë edhe gjashtë futbollistë nga kampionati kosovar.
Grumbullimi i lojtarëve U21 do të bëhet me 30 gusht, për t’i filluar kështu përgatitjet për ndeshjen me Anglinë.