Kosova triumfon kundër Armenisë në ndeshjen miqësore

Kombëtarja e Kosovës në futboll ka zhvilluar ndeshjen e parë miqësore për vitin 2024 kundër Armenisë.

Armenia është shtet që nuk e ka njohur pavarësinë e Kosovës, ndërkaq në fanellat e lojtarëve armenë është parë gjatë ndeshjes se flamuri i Kosovës ishte i kthyer mbrapsht.

Kosova ka qenë mysafire në këtë ndeshje, e cila u mbajt në Stadiumin Republikan Vazgen Sargsyan, në kryeqytetin armen Jerevan.

Ndeshja përfundoi me fitoren e Kosovës 1-0, me golin e shënuar nga Milot Rashica.

Rashica shënoi gol në minutën e 25-të të ndeshjes.

Kjo ndeshje ishte debutuese për përzgjedhësin Franco Foda.

Dardanët më 26 mars do të përballen me Hungarinë në Budapest.