Gjilani triumfon ndaj Ulpianës në Lipjan
20.11.2021 - 15:03
Gjilani ka shënuar fitore me rezultat 1-2 ndaj Ulpianës në kuadër të xhiros së 14-të në Superligën e Kosovës në futboll.
Vendasit kaluan në epërsi në minutën e 24-të me Egzon Qerimin.
Pjesa e parë u mbyll me rezultatin 1-0 për Ulpianën.
Në pjesën e dytë skuadra e Gjilanit u këndell.
Albert Dabiqaj i barazoi shifrat në minutën e 64-të.
Golin e fitores për mysafirët e shënoi Gerhard Progni në minutën e 86-të nga gjuajtja e lirë.
Pas kësaj fitoreje Gjilani pozicionohet në vendin e parë me 25 pikë.
Kurse Ulpiana mbetet në vendin e shtatë me 16 pikë.
