Basketboll: Bashkimi triumfon ndaj Vëllaznimit në Gjakovë
Bashkimi ka shënuar fitore me rezultat 86-97, ndaj Vëllaznimit në kuadër të xhiros së 10-të në Superligen e Kosovës në basketboll.
Mysafirët e nisën mirë ndeshjen pasi e fituan çerekun e parë me rezultat 18-20.
Çereku i dytë u mbyll me rezultat të barabartë 27-27, po ashtu edhe periudha e tretë u mbyll me rezultat 25-25.
10 minutat e fundit ishin vendimtarë, prizrenasit fituan me rezultat 16-25, për të triumfuar në fund me rezultat 86-97.
Christopher Hortman ishte më i dalluari te Vëllaznimi me 35 pikë, nëntë kërcime dhe gjashtë asistime, kurse te Bashkimi më të dalluarit ishin Musab Mala me 29 pikë e shtatë asistime, Shazville Carter me 20 pikë e 14 kërcime, Sean Hoehn me 21 pikë e 12 asistime dhe Julian Hamati me 24 pikë e 10 kërcime.
Vëllaznimi ka tri fitore dhe shtatë humbje, kurse Bashkimi pesë fitore dhe pesë humbje.
