Foto-Ilustrim
Vozit në Trotuar dhe Sulmon Policët
11.11.2017 - 10:39
Policia në raportin 24 orësh njofton se një person është ndaluar nga dy zyrtarë policor në rroba civile, pasi voziste me një makinë të tipit “Opel” në trotuar.
I ndaluari që me veprimin e tij po rrezikonte qytetarët, ka refuzuar t’ua japë dokumentet policëve, ndërsa më pas i ka sulmuar ata.
Sipas policisë i dyshuari për vozitje në trotuar dhe sulm ndaj personave zyrtarë është marrë në pyetje dhe me vendim të prokurorit është liruar.
Policët e sulmuar kanë përsuar lëndime dhe kanë pranuar tretman mjekësor.
Edhe më 31 tetor KALLXO.com publikoi një video në të cilën një veturë lëvizte në trotuar për të shmangur kolonën e makinave.