Tërhiqet turpi i 50 vjeçarit, dyshohet se u vra nga vëllai dhe nipat
Pas ekzaminimeve të nevojshme Mjekësia Ligjore e ka tërhequr trupin e M.N., i cili është gjetur i vdekur gjatë operacionit të kërkimit nga Policia e Kosovës dhe FSK-ja.
Rreth orës 18:30 automjetet e Mjekësisë Ligjore, të Policisë dhe Prokurorisë janë larguar nga Reka e Allagës, në bjeshkët e Rugovës, ku është gjetur trupi i pajetë i një personi për të cilin është raportuar nga Policia se është sulmuar edhe me sëpata nga të afërm të tij.
Rasti ishte raportuar të premten në mbrëmje.
Dhe, trupi i viktimës është gjetur sot pasdite.
Lidhur me rastin janë arrestuar 3 persona, njëri prej të cilëve është i mitur.
Prokuroria ka kërkuar sot paraburgim për të tre.
KALLXO.com ka siguruar foto nga momenti kur janë tërhequr automjetet e Mjekësisë Ligjore, Policisë dhe Prokurorisë së Pejës.
18:04
Në vendin ku është gjetur i vdekur M.N., në fshatin Reka e Allagës, në bjeshkët e Rugovës, tashmë ka arritur edhe Mjekësia Ligjore.
M.N. është gjetur pa shenja jete sot pasdite në një operacion kërkimi të Policisë dhe FSK-së.
Për vendndodhjen e tij nuk dihej që nga e premtja në mbrëmje, kur është raportuar se ai është sulmuar nga të afërm të tij, sulm në të cilin dyshohet se janë përdorur edhe dy sëpata, të cilat Policia i ka konfiskuar në vendin e ngjarjes.
Lidhur me rastin Policia ka arrestuar 3 të dyshuar, njëri prej të cilëve është i mitur.
Për tre të dyshuarit Prokuroria e Pejës ka kërkuar paraburgim.
Këto janë fotot e momentit kur Mjekësia Ligjore arrin në vendin e ngjarjes, pak para orës 18:00.
17:49
Policia e rajonit të Pejës, e ndihmuar nga pjesëtarë të FSK-së, kanë arritur ta gjejnë sot trupin e pajetë të M.N. për të cilin ishte raportuar se familjarë të tij i kanë shkaktuar plagë të rënda.
Ngjarja tragjike ka ndodhur të premten në mbrëmje.
Lidhur me rastin janë arrestuar 3 të dyshuar, njëri prej të cilëve i moshës së mitur.
Policia ka konfiskuar edhe dy sëpata të cilat dyshohet se janë përdorur në sulmin që ka ndodhur në Qafë e Broqit.
Trupi i viktimës vazhdon të jetë në vendin ku është gjetur.
KALLXO.com ka siguruar këto fotografi nga vendi i ngjarjes.
