Policia e Kosovës. Ilustrimi: Kallxo.com
Policia Arreston Hajnin, Blerësin dhe Pronarin e Pistoletës
08.2.2018 - 10:19
Policia ka njoftuar se gjatë ditës së djeshme, një i dyshuar, gjatë intervistimit ka pranuar se më 4 shkurt të këtij viti kishte vjedhur një pistoletë në shtëpinë e një të dyshuari tjetër.
Sipas raportit policor, ngjarja ka ndodhur në fshatin Prelluzhë të Vushtrrisë.
Në raport thuhet se edhe pse arma i është vjedhur të dyshuarit tjetër, ky i fundit nuk e kishte raportuar rastin në polici.
I dyshuari i parë, armën e vjedhur ia kishte shitur një personi tjetër.
Me vendim të prokurorit të tre personat e involvuar në rast janë arrestuar.
I dyshuari që ka vjedhur armën është dërguar në mbajtje ndërsa, dy të tjerët janë liruar në procedurë të rregullt.