Pejë, i grabitet çanta e krahut

Një qytetare ka raportuar në Policinë e Kosovës se është sulmuar nga një i dyshuar, i panjohur, i cili ia ka grabitur çantën e krahut në të cilën kishte pasur para dhe dy kartela bankare.

Rasti sipas PK-së, ka ndodhur në rrugën  “Negjip Basha” në Pejë, pasditen e djeshme.

Viktima ka raportuar se I dyshuari ka ikur këmbë në drejtim të panjohur.

Qytetarja ka pësuar lëndime të lehta trupore dhe ka pranuar tretman mjekësor.