Labinot Tahiri proteston me studentë për liberalizimin e vizave (FOTO)

Studentët e Universitetit të Prishtinës janë mbledhur para Bibliotekës Kombëtare “Pjetër Bogdani”, në Prishtinë dhe kanë filluar protestën përmes të cilës po kërkojnë nga Bashkimi Europian që Kosovës t’ia liberalizojë vizat.

“Mjaft na izoluat, mjaft na diskriminuat”, janë  brohoritjet e studentëve.

Përveç studentëve të UP-së, kësaj proteste i janë bashkuar edhe deputeti Labinot Tahiri dhe shumë qytetarë të tjerë.

Tahiri ditë më parë kishte dorëzuar pasaportën e tij kosovare bashkë me ato të anëtarëve të familjes në shenjë proteste ndaj mungesës së lëvizjes së lirë të kosovarëve në zonën Schengen.