Haradinaj: Adem Demaçi ishte shenjtori që na tregoi rrugën për liri
Kryeministri në detyrë, Ramush Haradinaj tha se Adem Demaçi guxoi të luftoi për lirinë.
“Sot një vit bota u nda nga njeriu që guxoi me kriju liri për popullin e tij të robëruar pa fjalën e tij që rrezatonte shpresë, njerëzit vështirë do rreshtoheshin për lëvizjen e rezistencës dhe liria e Kosovë do të ishte vetëm ëndërr”, tha Haradinaj.
Sipas Haradinajt, gjurmët që vepra e Adem Demaçit ka lënë në histori janë shumë të mëdha.
“Atij iu ndalua fjala prandaj jetoi një jetë njeriu për lirinë e saj. I’u shkelën të gjitha të drejtat, por kurrë nuk u ndal të krijoj drejtësi për të tjerët. Baca Adem ishte frymëzuesi. Para një viti Kosova u nda nga njeriu i saj që shkriu 28 vjet të jetës së tij duke e mendu lirinë. Ademi ishte mendimtar 10,000 mijë ditë prapa hekurash nuk i konsideroi të humbura por ditë pune për Kosovë, burgu për idealistin ishte vendi i tij i punës”, tha Haradinaj.
Duke folur për figurën e Adem Demaqit, Haradinaj theksoi se figura e tij, tanimë e bronztë do të shpërbej si udhërrëfyes për brezat e ardhshëm.
“Baca Adem për popullin e tij shenjtor që tregon rrugët se nga duhet me i ra për me e mbërri në liri. Askush si baca Adem nuk ka dhënë shpresë e besim për të gjallët, se liria është e mundshme, e për me kriju duhet me guxu. Baca Adem do të rikthehet në Prishtinë i gdhendur në bronz për tua rrëfyer brezave historinë e sakrificës dhe për t’i mbajtur gjallë shpirtin tonë çlirimtarë”, tha ai
Hidajet Hyseni kryetari i shoqatës së të burgosurve politik tha se sot, figura e Adem Demaçit do të jetë një udhërrëfyes për të gjitha brezat.
“Baca Ddem ka folur edhe kur nuk ka folur dhe tash e tutje do flet edhe në bronz dhe do jap mesazhe siç ka dhënë brez pas brezi dhe do përcjell ata që shkojnë e vinë në kryeqytet Republikës”, tha ai.
Tutje Hyseni tha që shpresojnë se tenderi për këtë përmendore do të shkojë mirë dhe punimet do të vazhdojnë ashtu siç është planifikuar.
“Ne si familje kërkojmë që modeli i prezantuar në video të mos jetë model ideor për ngritjen e shtatores në këtë formë. Mendojmë që ka zgjidhje shumë më të mira për dukjen e shtatores së bacit Adem”, ka thënë Shqiptar Demaçi.
Vënia e gurthemelit të shtatores është bërë në njëvjetorin e vdekjes së Adem Demacit.