Disa pacientë me kancer mund t’i anashkalojnë trajtimet përmes kimioterapisë
Pas operacionit, disa pacientë me kancer mund ta anashkalojnë në mënyrë të sigurt rrezatimin ose kimioterapinë, sipas dy studimeve që eksplorojnë kujdesin më të shkurtër dhe më të butë ndaj kancerit.
Studiuesit po kërkojnë mënyra për ta parashikuar saktësisht se cilët pacientë me kancer mund ta shmangin trajtimin e panevojshëm për t’i ulur efektet anësore të dëmshme dhe kostot e panevojshme.
Një studim i ri përdori një test gjaku për të përcaktuar se cilët pacientë me kancer të zorrës së trashë mund ta anashkalonin kimioterapinë pas operacionit. Një tjetër sugjeron që disa pacientë me kancer të gjirit me rrezik të ulët mund ta heqin rrezatimin pas lumpektomisë.
Hulumtimi u diskutua në takimin vjetor të Shoqatës Amerikane të Onkologjisë Klinike, e cila u mbyll të martën në Çikago. Studimi i kancerit të zorrës së trashë, i financuar nga qeveritë australiane dhe amerikane dhe grupet jofitimprurëse, u botua të shtunën nga Neë England Journal of Medicine.
Gjetjet mund t’i lejojnë mjekët të “përqendrohen tek pacientët që ne mendojmë se do të përfitonin vërtet nga kimioterapia dhe t’i shmangin efektet anësore për pacientët për të cilët ka të ngjarë të jetë e panevojshme”, ka deklaruar Dr. Stacey Cohen nga Fred Hutchinson Cancer Center në Seattle, i cili shqyrtoi të gjeturat ne kancerin e zorrës së trashë dhe nuk ishte i përfshirë në hulumtim.
KANCERI I ZORRËS SË TRASHË
Shumë pacientëve me kancer të zorrës së trashë u jepet kimioterapia pas operacionit, edhe pse mund të shërohen. Ilaçet mund të vijnë me efekte anësore si të përziera, anemi dhe probleme me kujtesën.
Por përcaktimi se cilët pacientë mund të mos kenë nevojë për trajtim të mëtejshëm ka qenë i ndërlikuar. Shkencëtarët studiuan nëse një test gjaku mund t’i ndihmonte mjekët që t’i kontaktonin pacientët.
Studimi përfshiu 455 pacientë të cilët iu nënshtruan operacionit sepse kanceri ishte përhapur në murin e zorrës së trashë. Pas operacionit, një grup mori një test gjaku, të përshtatur me profilin gjenetik të tumorit të tyre, për të zbuluar çdo pjesë të mbetur të ADN-së së kancerit.
Kujdesi i tyre udhëhiqej nga analiza e gjakut: nëse nuk tregonte shenja të kancerit të mbetur, pacientët nuk bënin kimioterapi. Ndërkohë, mjekët morën vendime për kimioterapinë për pjesën tjetër të pacientëve në mënyrën e zakonshme, të udhëhequr nga analiza e tumorit dhe indeve të afërta.
Më pak pacientë në grupin e testit të gjakut morën kimioterapi — 15% kundrejt 28%. Por rreth 93% e të dy grupeve ishin ende pa kancer pas dy vitesh. Me fjalë të tjera, grupi i testit të gjakut rezultoi po aq mirë me më pak kimioterapi.
“Në pacientët ku ADN-ja e kancerit nuk zbulohet pas operacionit, mundësia e rikthimit të kancerit është shumë e ulët, duke sugjeruar se kimioterapia nuk ka shumë gjasa të përfitojë nga këta pacientë”, tha Dr. Jeanne Tie nga Qendra e Kancerit Peter MacCallum në Melburn, Australi e cila e udhëhoqi hulumtimin.
Kapërcimi i kimioterapisë bën “një ndryshim të madh në cilësinë e jetës së një personi nëse kjo mund të bëhet pa pasur nevojë t’i vërë ata në rrezik për përsëritje”, tha presidenti i ASCO Dr. Everett Vokes, i specializuar në kancerin e kokës, qafës dhe mushkërive në Universitetin e Mjekësia e Çikagos.
KANCERI I GJIRIT
Studimi tjetër përcolli 500 gra të moshuara me një formë të zakonshme të kancerit të gjirit në fazën e hershme dhe nivele të ulëta të një proteine të njohur si Ki67, një indikator për kancerin me rritje të shpejtë.
Pas operacionit, gratë morën pilula hormon-bllokuese, një trajtim standard për këtë lloj kanceri, por nuk morën trajtim me rrezatim.
Pas pesë vjetësh, 10 nga gratë panë kancerin të rikthehej në të njëjtin gji dhe pati një vdekje nga kanceri i gjirit. Nuk kishte asnjë grup krahasimi, por studiuesit thanë se rezultatet krahasohen në mënyrë të favorshme me të dhënat historike për pacientë të ngjashëm që kishin rrezatim.
“Ne vlerësojmë se përfitimet e rrezatimit do të ishin shumë të vogla në këtë popullatë në krahasim me efektet anësore”, tha Dr. Timothy ëhelan nga Universiteti McMaster në Hamilton, Ontario, i cili e udhëhoqi studimin, i cili u mbështet nga Fondacioni Kanadez i Kancerit të Gjirit dhe Shoqëria Kanadeze e Kancerit.
Rrezatimi mund të shkaktojë probleme të lëkurës, lodhje dhe, më rrallë, probleme afatgjata të zemrës dhe kancer të dytë.
Studimi është një porosi “e ndjenjës së mirë” për pacientët me tumore me rrezik të ulët dhe do t’i ndihmojë mjekët të kuptojnë se cilin nga pacientët e tyre ata “mund ta heqin qafe rrezatimin me qetësi, me besim”, tha Dr. Deborah Axelrod nga NYU Langone Health, e cila nuk ishte të përfshirë në hulumtim./The Washington Post
Përgatiti: Nuhi Shala
