Ratifikimi Imagjinar për Mandatin e EULEX
Anëtarët e komisionit për Legjislacion në Kuvendin e Kosovës kanë pranuar të premten projektligjin për ratifikimin e marrëveshjes ndërkombëtare për vazhdimin e mandatit të EULEX-it.
Në projektligjin e miratuar nga Qeveria e Kosovës e i cili është dorëzuar në Kuvend ishte përkufizuar se letërkëmbimet ishin kryer dhe Qeveria e Kosovës e kishte marrë si punë të kryer vazhdimin e mandatit.
“Ky ligj ratifikon marrëveshjen ndërkombëtare të arritur nëpërmjet shkëmbimit të instrumenteve mes Republikës së Kosovës dhe Bashkimit Evropian, mbi Misionin e Bashkimit Evropian për Sundim të Ligjit në Kosovë (“EULEX”)” thuhet në nenin 1 të projektligjit.
Por tri ditë pas dorëzimit të këtij projektligji, Qeveria e Kosovës tërhoqi draft ligjin për ta zëvendësuar atë me një tjetër.
Arsyet e tërheqjes sipas Zëvendës Kryeministrit Hajredin Kuçi janë te mungesa e një përgjigje nga ana e Përfaqësueses së lartë të BE-së, Federika Mogerini, në letrën e Presidentit Thaçi për vazhdimin e mandatit të misionit.
Kuvendi duhet ta marrë një vendim për të ardhmen e EULEX-it gjatë ditës së nesërme.
Ky është projektligji i parashikuar të miratohej për vazhdimin e mandatit të EULEX-it:
Ky është projektligji i parashikuar të miratohej për ndryshimin e ligjeve që lidhen me mandatin e EULEX-it:
