Vollejboll, ekipi nga Ferizaj fiton titullin e kampionit
05.5.2019 - 22:24
Skuadra ferizajase Luboteni e ka fituar titullin e kampionit të Kosovës në Superligën e djemve në volejboll, pasi mposhti në serinë e finaleve Prishtina Volleyn, 3-1 me ndeshje, pas katër ndeshjeve të kësaj serie.
Luboteni në ndeshjen e katërt, sot e mposhti Prishtina Volleyn 3-0 me sete në ndeshjen e zhvilluar në Prishtinë.
Setin e parë Luboteni e fitoi 25 me 22, ndërsa në të dytin ishte akoma më bindës duke e fituar 25 me 20.
Periudha e tretë e vulosi kampionin e ri, meqë Luboteni e kufizoi Prishtina Volleyn në vetëm 17 pikë, për ta fituar ndeshjen dhe trofeun e kampionit.