Mbi 20 të Vrarë në Sulmin Terrorist në Mançester

22 persona janë vrarë dhe 59 të tjerë janë lënduar në një sulm vetëvrasës në Mançester Arena.

Shpërthimi ndodhi të hënën rreth orës dhjetë në mbrëmje, në përfundim të një koncerti të këngëtares amerikane, Ariana Grande.

Siç raporton BBC, Policia e Manchesterit thotë se sulmuesi ishte mashkull dhe vdiq nga shpërthimi i eksplozivit që po e mbante me vete.

60 ambulanca erdhën te vendi i sulmit dhe të lënduarit po trajtohen në gjashtë spitale të ndryshme.

Shpërthimin në të cilën vdiqën edhe fëmijë, dëshmitarët e cilësojnë si të tmershëm dhe barbar.

Ndërkaq Kryeministrja e Britanisë së Madhe Teresa May pritet që të caktojë një takim emergjent sot paradite.

Flamujt po valojnë në gjysëm shtizë në Downing Street dhe partitë politike i kanë ndërprerë fushatat elektorale për zgjedhjet e përgjithshme.

ETIKETA

23 Maj 2017 - 10:03

Doruntina Baliu 23/05/2017 - 10:03
NDËRVEPRIMI0

KRYESORE

Prishtina Insight
NA NDIQNI

Send this to a friend