![](https://kallxo.com/wp-content/uploads/2018/02/ks-ch.jpg)
Zvicra fut sërish Kosovën në listën e shteteve me rrezikshmëri të lartë, nga kjo datë aplikohet karantina
Kosova ka hyrë përsëri në listën e vendeve me rrezikshmëri të lartë për Zvicrën për shkak të situatës me pandeminë.
Kjo është bërë e ditur nga përditësimet e Zyrës Federale të Shëndetit Publik (BAG).
Në këtë listë është futur edhe Maqedonia e Veriut.
Kjo listë do të hyjë në fuqi më 22 mars 2021.
Si rrjedhojë, të gjithë qytetarë që udhëtojnë për në Zvicër do të detyrohen t’i nënshtrohen karantinimit, përveç testit.
Numri i rasteve të reja me COVID-19 është rritur javëve të fundit.
Aktualisht në Kosovë janë mbi 10 mijë raste aktive me COVID-19.
Deri më tani në Kosovë mbi 74 mijë persona kanë rezultuar pozitivë me SARS-CoV-2, prej tyre mbi 62 mijë janë shëruar ndërsa mbi 1 mijë kanë vdekur.
Zvicra heq karantinën, por jo edhe ndalesën për kosovarët me viza turistike