Zëvendësimi i deputetëve të Listës Serbe, sot në rend dite në KQZ
Në rendin e ditës në mbledhjen e sotme të Komisionit Qendror të Zgjedhjeve është zëvendësimi i deputetëve Lista Serbe.
“Shqyrtimi dhe miratimi i rekomandimit për Zyrën e Presidentes, për zëvendësimin e deputetëve të subjektit politik “Lista SRPSKA”” – thuhet në pikën e rendit të ditës të KQZ-së.
Në këtë mbledhje do të ketë edhe njoftim lidhur me dorëheqjet e Zyrtarëve të Lartë Komunal të Zgjedhjeve të Komunave Mitrovica e Veriut, Zveçan, Leposaviq dhe Zubin Potok.
Dhjetë deputetët e Listës Serbe zyrtarisht i kanë dorëzuar dorëheqjet në Kuvendin e Kosovës.
Këto dorëheqje të deputetëve dhe zyrtarëve të tjerë serbë në institucionet e Kosovës erdhën pas suspendimit të Nenad Gjuriqit nga pozita e drejtorit të Policisë së Kosovës për rajonin e veriut, pasi i njëjti refuzoi dhe rezistoi të lëshojë fletëqortime për pronarët e veturave me targa ilegale.
Rendi i ditës:
1. Hyrje: z. Kreshnik Radoniqi, Kryesues i mbledhjes së KQZ-së;
2. Aktivitetet e SKQZ-së:
– Njoftim lidhur me dorëheqjet e Zyrtarëve të Lartë Komunal të Zgjedhjeve të Komunave Mitrovica e Veriut, Zveçan, Leposaviq dhe Zubin Potok.
3. Raport i Këshillave të KQZ-së:
• Këshilli për Çështje Ligjore:
– Shqyrtimi dhe miratimi i rekomandimit për zyrën e presidentes, për zëvendësimin e deputetëve të subjektit politik “Lista SRPSKA”.
– Shqyrtimi dhe miratimi i kërkesës për zëvendësim të anëtarëve të Kuvendit Komunal në Ferizaj, Malishevë dhe Junik.
4. Të ndryshme;