Vlera e drogës së konfiskuar në Suharekë mund të arrijë mbi 1 milion euro
16.2.2022 - 20:21
Mbi 1 milion euro mund të shkojë vlera e mbi 1,000 fijeve të kanabisit të konfiskuar në një operacion anti-drogë i zhvilluar sot në fshatin Shirokë të Suharekës.
Këto fije kanabisi u gjetën në katin e fundit të një mulliri në fshatin Shirokë.
Të dhënat tregojnë që pesha e prodhimit të tyre shkon mbi 1 mijë kilogram.
KALLXO.com ka mësuar se në mesin e të personave të arrestuar janë katër shtetas të Maqedonisë së Veriut, një qytetar i Prishtinës dhe një i Suharekës.
Ky operacion është realizuar nga Prokuroria e Prizrenit dhe kishte për cak një grup të personave që prodhonin marihuanë.