Arkiv - Raketa ruse godet apartamentin në Kiev, VOA
Ukraina pretendon se Rusia ka lëshuar 328 raketa lundrimi që nga fillimi i luftës
Komandanti i përgjithshëm i Forcave të Armatosura të Ukrainës, Valeriy Zaluzhny, po pretendon se Rusia ka lëshuar qindra raketa lundrimi në qytetet ukrainase që nga fillimi i pushtimit, më 24 shkurt.
“Ky krim i përgjakshëm i regjimit (presidentit rus) të Putinit është një shkelje e hapur e ligjit ndërkombëtar humanitar,” tha gjenerali Valeriy Zaluzhny, raporton Sky News.
Rusia ka mohuar të ketë shënjestruar civilët gjatë asaj, që ajo e quan “operacioni special” i saj në Ukrainë.
Megjithatë, luftimet sot vazhduan në disa qytete të reja, kështu duke e zgjeruar Rusia pushtimin.
Lutsk, Ivano-Frankivsk dhe Dnipro janë goditur në orët e fundit, së bashku me Kharkiv dhe Mariupol, si vende shumë të sulmuara.
Sot është dita e 16-të e luftës në Ukrainë.
Lufta në Ukrainë nisi pas sulmit që Rusia bëri ndaj këtij shteti më 24 shkurt.
Që nga ajo kohë janë shënuar qindra vdekje dhe miliona refugjatë./SkyNews