Tri raste të parave të falsifikuara raportohen në Polici brenda 24 orëve
Tri raste të falsifikimit të parave janë raportuar në Policinë e Kosovës gjatë 24 orëve të fundit.
Në Suharekë një grua ka raportuar se kishte hasur në një kartëmonedhë në vlerë 200 euro e cila dyshohet të jetë e falsifikuar.
Rasti ka ndodhur dje rreth orës 10:20.
Sipas njoftimit, njësiti policor ka sekuestruar monedhën e dyshuar për ekzaminim dhe hetimin e rastit.
Rasti në procedurë hetimore, ka njoftuar Policia.
Në Lipjan një grua ka raportuar një person i panjohur ka pranuar një kartëmonedhë në vlerë 50 euro e cila dyshohet të jetë e falsifikuar.
Sipas Policisë, njësiti policor është marr me rastin dhe ka sekuestruar monedhën e dyshuar për ekzaminim dhe hetimin e rastit.
Një tjetër rast i falsifikimit të parasë është raportuar në Lipjan.
Një burrë ka raportuar se një person i panjohur kishte bërë pagesë me një kartëmonedhë në vlerë 200 euro e cila dyshohet të jetë e falsifikuar.
Sipas Policisë, monedha është sekuestruar për ekzaminim dhe rasti vazhdon të hetohet.