KB 'Golden Eagle Ylli' barazon me KB 'Trepçën' në ndeshjen e katërt finale
Klubi i basketbollit “Golden Eagle Ylli” ka shënuar fitore ndaj klubit “Trepça” në ndeshjen e katërt finale me 4 pikë epërsi, duke shënuar kështu barazim, para ndeshjes për përzgjedhjen e kampionit.
Ekipi nga Suhareka ka shënuar 75 pikë, ndërsa ekipi nga Mitrovica ka shënuar 71 pikë.
Më 16.05.2024 KB Trepça kishte shënuar fitoren e dytë ndaj KB Golden Eagle Ylli me rezultat 85: 78.
Ndërsa në përballjen e dytë të ndeshjeve finale më 12.05.2024 fitues doli ekipi nga Suhareka ku mposhti ekipin nga Mitrovica me rezultat 80:79.
Në ndeshjen e parë finale mes KB Golden Eagle Ylli dhe KB Trepça të mbajtur me datë 09.05.2024 fitues doli ekipi mitrovicas. “Xehtarët” shënuan 77 pikë, ndërsa therendasit 68.
Ndeshja e katërt finale u mbajt sot me datë 19.05.2024 në palestrën sportive “13 qershori” në Suharekë.
Ndeshja vendimtare për titullin kampion do të mbahet më 23.05.2024 në palestrën sportive “Minatori” në Mitrovicë.
