Dy punonjës të Spitalit të Pejës dyshohen për përfshirje në rrahje

Dy punonjës të Spitalit Rajonal të Pejës, dyshohen se janë përfshirë në një rrahje, gjatë së mërkurës (05.06.2024), mëson KALLXO.com.

Policia e Kosovës, ka dalë në vendin e ngjarjes dhe ka njoftuar se rasti është cilësuar si sulm.

Zëdhënës i Policisë në rajonin e Pejës, Fadil Gashi ka thënë për KALLXO.com se sulmi dyshohet se ka ndodhur në një lokal afër spitalit.

“Sot rreth orës 10:55 policia është njoftur se në një lokal afër spitalit rajonal janë përlesh dy persona. Policia ka dalë, i ka intervistuar dy të dyshuarit. Rasti është cilësuar si sulm. Është njoftuar prokurori, rasti shkon në procedurë të rregullt” – ka theksuar Gashi.