SHBA e hedh poshtë pretendimin e Putinit se Perëndimi e ka organizuar turmë anti-hebreje në aeroportin e Dagestanit
Presidenti rus Vladimir Putin ka deklaruar të ketë parë prova se agjentët ukrainas të agjencive perëndimore të spiunazhit qëndronin prapa një tërbimi në rajonin jugor të Dagestanit që kishte si objektiv një fluturim nga Izraeli. Përleshjet me policinë lanë 20 të plagosur. Sa i përket dhunës në këtë aeroport, Putini e ka parë këtë si pjesë e përpjekjeve të SHBA për ta dobësuar Rusinë.
Zëdhënësi i Këshillit të Sigurisë Kombëtare të SHBA-së, John Kirby e quajti akuzën e Putinit “retorikë klasike ruse” duke thënë se “Perëndimi nuk ka asnjë lidhje me këtë”. Kjo është vetëm urrejtje, fanatizëm dhe frikësim, i pastër dhe i thjeshtë”.
Shtëpia e Bardhë ka thënë të hënën se kompensimet e kërkuara nga republikanët e Shtëpisë për shpenzimet e Izraelit dhe Ukrainës do të ishin “shkatërruese” për sigurinë kombëtare të SHBA.
“Politizimi i interesave tona të sigurisë kombëtare është një gjë jo fillestare. Kërkimi i kompensimeve për përmbushjen e nevojave esenciale të sigurisë kombëtare të Shteteve të Bashkuara – të tilla si mbështetja e Izraelit dhe mbrojtja e Ukrainës nga mizoritë dhe imperializmi rus – do të ishte një thyerje me procesin normal, dypartiak dhe mund të ketë implikime shkatërruese për sigurinë dhe aleancat tona në vitet në vijim”, ka thënë sekretarja e shtypit e Shtëpisë së Bardhë, Karine Jean-Pierre.
Ministri i Jashtëm ukrainas Dmytro Kuleba ka deklaruar të hënën se është i bindur se Dhoma e Përfaqësuesve e SHBA-së do ta mbështesë një kërkesë për fonde shtesë për ushtrinë e Ukrainës, duke shtuar se ai ishte në dijeni të “rezistencës së konsiderueshme politike” ndaj dispozitave të projektligjit.
Kryetari i Dhomës së Përfaqësuesve të SHBA, Mike Johnson tha javën e kaluar se fondet për ta mbështetur Ukrainën dhe Izraelin duhet të trajtohen veçmas, duke sugjeruar se ai nuk do ta mbështesë paketën e ndihmës prej 106 miliardë dollarësh të Presidentit Joe Biden për të dyja vendet.
Moldavia e ka bllokuar qasjen në faqet e internetit të mediave kryesore ruse të lajmeve, duke përfshirë agjencitë e lajmeve Interfax dhe TASS, duke i akuzuar ato për pjesëmarrje në një luftë informacioni kundër Moldavisë.
Një dekret i publikuar në internet nga shërbimi i inteligjencës dhe sigurisë së Moldavisë listonte 31 faqe interneti që do të bllokoheshin menjëherë për “përmbajtje në internet të përdorur në luftën e informacionit kundër Republikës së Moldavisë”.
Avioni i parë luftarak F-16 i prodhuar në SHBA që Holanda po i dhuron Ukrainës do të mbërrijë në qendrën e trajnimit të Rumanisë brenda dy javësh, tha të hënën kryeministri holandez Mark Rutte në largim.
Granatimet ruse e kanë sulmuar rajonin e vijës së parë të Khersonit në Ukrainën jugore të hënën, duke vrarë dy civilë, thanë autoritetet lokale.
Rusia ka grumbulluar ndjeshëm forcat e saj rreth qytetit të shkatërruar ukrainas të Bakhmutit, me ushtarët e saj që kalojnë nga një pozicion mbrojtës në marrjen e “veprimeve aktive”, tha një komandant ushtarak ukrainas./The Guardian
Përgatiti: Nuhi Shala
