Rikthehet në shtëpi i shëruar Enver Xhokli, i lënduari në eksplodimin në Ferizaj
Enver Xholki është rikthyer nga Austria në Kosovë i shëruar.
Xhokli ishte njëri nga të lënduarit në ekspoldimin në Ferizaj në muajin janar të këtij viti.
Ardhjen e të shëruarit në Kosovë e ka bërë të ditur ministri në detyrë i Shëndetësisë, Armend Zemaj.
“Trajtimi i tij është bërë po ashtu në klinikën e specializuar kundër djegieve në Spitalin e Gracit të Austrisë. Shërimin e morën përsipër institucionet e Austrisë dhe përkrahjen e Kancelarit austriak, z. Sebastian Kurz”, ka shkruar Ministri në facebook.
Ai u shpreh falënderues për të gjithë kontributdhënësit në trajtimin dhe kujdesin e të lënduarve në këtë eksplodim.
Javë më parë, i shëruar u rikthye në Kosovë edhe Fidan Gashi.
Fidan Gashi kthehet i shëruar nga Austria, ishte nga të lënduarit në eksplodimin në Ferizaj