Prokuroria konfirmon vdekjen e të miturës që u godit nga treni në Klinë
17.9.2019 - 15:18
Një vajzë e mitur është goditur pasditen e sotme nga një tren në Klinë të Pjesë.
Zëdhënësi i Prokurorisë Themelore në Pejë, Shkodran Nikçi ka konfirmuar për KALLXO.com se e mitura ka vdekur.
“Mund të konfirmoj se e mitura ka vdekur. Për detaje të tjera rreth rastit do të ju njoftojmë më vonë”, ka thënë Nikçi.
KALLXO.com raportoi më herët për të miturën e cila u godit nga treni në Klinë të Pjesës.
Rastin për KALLXO.com e ka konfirmuar zëdhënësi i policisë në rajoni e Pejës, Driton Rugova.
“Sot rreth orës 12: 45 në Klinë ka ndodhur një rast ku treni ka goditur një këmbësore të mitur”, ka thënë Rugova.
Ai ka shtuar se në vendin e ngjarjes janë të gjitha njësitet relevante dhe po merren me rastin.