E mitura në Klinë goditet nga treni, dyshohet se ka vdekur
17.9.2019 - 14:36
Një vajzë e mitur është goditur nga treni para pak orëve në Klinë të Pejës.
Rastin për KALLXO.com e ka konfirmuar zëdhënësi i policisë në rajoni e Pejës, Driton Rugova.
“Sot rreth orës 12: 45 në Klinë ka ndodhur një rast ku treni ka goditur një këmbësore të mitur”, ka thënë Rugova.
Ai ka shtuar se në vendin e ngjarjes janë të gjitha njësitet relevante dhe po merren me rastin.
Ndërsa, zëdhënësi i Prokurorisë Themelore në Pejë, Shkodran Nikçi ka thënë për KALLXO.com se ne vendin e ngjarjes dyshohet se është një trup i pajetë.
“Prokurori me të gjitha njësitet relevante ka dal në vendin e ngjarjes, ku dyshohet se një person ka vdekur”, ka thënë Nikçi.