Policia ruan Qeverinë e Kosovës

Zyrtarë të Policisë së Kosovës janë duke ruajtur lokacionet kryesore në Prishtinë.

Sipas fotografive, Policia shihet në sheshin Skënderbeu dhe në oborrin e Qeverisë së Kosovës.

Veteranët e Ushtrisë Çlirimtare të Kosovës sot janë duke protestuar para Kuvendit të Kosovës pasi nuk janë përfshirë në Ligjin për Paga.

Në oborrin e Kuvendit janë duke qëndruar edhe pjestarë të Policisë dhe Njësisë Speciale, ndërsa vetëm sot janë të angazhuar 900 pjestarë policorë.

Me 68 vota pro, asnjë kundër dhe gjashtë abstenime, Kuvendi i Kosovës e ka miratuar në parim Projektligjin që i hap rrugë rritjes së pagës minimale në Kosovë.

Më 6 qershor, para Kuvendit të Kosovës kanë protestuar Organizata e Veteranëve të Luftës së Ushtrisë Çlirimtare të Kosovës.

Veteranët kanë protestuar për të kundërshtuar mos përfshirjen e tyre në projektligjin për pagat.