Podujevë, e kanos me vrasje të familjes nëse nuk ia siguron 50 mijë euro deri të hënën
07.11.2021 - 11:02
Policia e Kosovës njofton se është arrestuar një burrë i dyshuar pasi që i njëjti ka kanosur me vrasje një burrë tjetër dhe familjen e tij nëse nuk ia siguron 50 mijë euro deri të hënën.
Sipas Policisë rasti ka ndodhur në Podujevë, dje rreth orës 9:15.
Tutje Policia sqaron se në lidhje me rastin është konsultuar prokurori i shtetit me vendim të të cilit i dyshuari pas intervistimit është dërguar në mbajtje.
Sipas Policisë, rasti është duke u hetuar.