Përkundër protestës, Trendafilova nis takimin me shoqërinë civile: Nuk jam këtu për çështje politike

Përkundër faktit se u përcoll me protestë me mjete tymuese e arrestime të aktivistëve të PSD-së, takimi i paraparë mes kryetares së Gjykatës Speciale Ekaterina Trendafilova dhe shoqërisë civile ka filluar.

Protesta e organizuar nga Partia Socialdemokrate me mjete tymuese ka rezultuar me arrestimin e kryetarit të kësaj partie Dardan Molliqajn si dhe Nol Nushin dhe aktivistë të tjerë që morën pjesë në protestë.

Për shkak të këtyre rrethanave takimi nuk filloi në kohën e paraparë.

Lidhur me këtë u deklarua edhe vetë Trendafilova gjatë takimit.

“Nuk jam këtu për çështje politike ose për të diskutuar për  to…kam zero informacion në lidhje me çështjet politike” – u shpreh Trendafilova.

“Nuk e di dhe nuk po kuptoj pse po ndodhe kjo” – u shpreh tutje kryetarja e Speciales.

Gjatë protestës në Prishtinë u lëndua edhe një gazetar.

Tym e arrestime, protesta e PSD-së kundër vizitës së kryetares së Speciales – VIDEO