Foto-ilustrim
Pejë, edhe një i arrestuar, e hapi lokalin përkundër ndalesës së vendosur nga Qeveria
Në Pejë është arrestuar edhe një person, i cili nuk e ka respektuar vendimin për moshapjen e lokaleve afariste për shkak të situatës së jashtëzakonshme të shkaktuar nga pandemia e coronavirusit.
Lajmin për KALLXO.com e ka konfirmuar prokurori Ersan Qavolli.
“Po, është ndaluar një person për veprën penale – mosveprimi sipas dispozitave shëndetësore gjatë epidemisë nga neni 250 i Kodit Penal të Republikës së Kosovës”, tha prokurori Qavolli.
Në lokalin e të ndaluarit ishin rreth 20 persona.
KALLXO.com gjatë ditës ka raportuar për arrestimin e 6 personave të tjerë në këtë qytet.
Qytetarët që nuk zbatojnë vendimet për mbrojtje nga pandemia dënohen deri në 2 vjet burg
Qeveria e Kosovës ka shpallur gjendjen emergjente të shëndetit publik dje pasi rritjes së numrit të personave të infektuar me coronavirus.
Numri i të infektuarve me coronavirus në Kosovë ka shkuar në 15.