Pas sulmit nga burri, gruaja tentoi ta lëndoj veten
13.2.2024 - 09:22
Një person është arrestuar nën dyshimin se pas një sulmi ndaj bashkëshortes së tij kjo e fundit kishte tentuar që të lëndoj veten.
Rasti është iniciuar si sulm ndërsa është regjistruar më 12.02.2024 rreth orës 12:30 në Prishtinë.
KALLXO.com mëson se i dyshuar në këtë rast është një burrë i cili dyshohet se sulmoi fizikisht gruan e tij ndërsa rasti është cilësuar si sulm.
Pas kësaj ngjarjeje viktima, në këtë rast gruaja ka tentuar që të lëndoj vetëveten duke përdorur preparate higjienike.
E njëjta më pas është dërguar për tretman mjekësor në Qendrën Klinike Universitare të Kosovës.
Për rastin është njoftuar edhe prokurori i shtetit.
Me vendim të të njëtit i dyshuari është intervistuar e më pas është dërguar në mbajtje.