Osmani takohet me Erdoganin në Stamboll

Presidentja e Kosovës, Vjosa Osmani është takuar sot me presidentin e Turqisë, Recep Tayyip Erdoğan, në Stamboll.

Osmani ka njoftuar se e ka falënderuar Erdoganin për mbështetjen për Kosovën.

Ndërsa ka thënë se e ka informuar për zhvillimet e fundit në vend.

“Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”- ka thënë Osmani.

Ndërsa në rrjetin social X, Osmani ka thënë se ka shprehur mirënjohjen për mbështetjen dhe angazhimin e Turqisë në angazhimin për paqen dhe sigurinë në rajonin e Ballkanit.