Osmani i reagon ashpër Daçiqit pas deklaratave që mohojnë krimet e Serbisë
U.D e Presidentit të Kosovës, Vjosa Osmani, i ka reaguar ashpër Kryetarit të Kuvendit të Serbisë, Ivica Daçiq, i cili tha se Madeleine Albright dhe Bill Clinton kanë gënjyer kur kanë thënë se serbët kanë kryer gjenocid e kanë vrarë civilë.
Me anë të një postimi në Twitter, Osmani është shpehur, se kjo është një deklaratë e patolerueshme, e neveritshme dhe çnjerëzore.
“Edhe një herë po i shohim liderët serbë duke deklaruar gënjeshtra dhe duke i mohuar krimet e luftës. Duke thënë se Presidenti Bill Clinton dhe Sekretarja Medeleine Albrigh gënjeyen botën kur ata ndanë historinë e gjenocidit të kryer nga regjimi serb në ‘99 është e patolerueshme, e neveritshme dhe çnjerëzore”, ka thënë Osmani.
Osmani tutje është shpehur se krimet e kryera s’mund të fshihen pasi që edhe vet ky akt përbën një krim në vete.
Ajo ka shtuar se tregimi i historisë së gjenocidit në Kosovë është i domosdoshëm, ngase heshtja është një mohim i gjenocidit.
“Krimet e kryera nuk mund dhe nuk duhet të fshihen, pasi fshehja e krimit është një krim i ri në vetvete, aq i tmerrshëm sa i pari. Tregimi i historisë së gjenocidit serb në Kosovë është i domosdoshëm, sepse zgjedhja për të heshtur është një mohim i ekzistencës së gjenocidit. Kur presidenti Clinton dhe sekretarja Albright folën, ata zgjodhën të vërtetën mbi gënjeshtrën, humanizmin mbi jonjerëzoren, ata zgjodhën të mbrojnë jetët, dinjiteti dhe të drejtat e ekzisitimit të njerëzve të Kosovës. Për këtë ne jemi falënderues përgjithmonë”, ka shkruar ajo.
Once again we see Serb leaders spouting falsehoods&denying war crimes. Saying that President @BillClinton & ??Secretary @madeleine Albright lied to the world when they shared the story of the committed genocide by the Serbian regime in ‘99 is intolerable, repellent&inhuman. 1/ pic.twitter.com/h3Z3GBwcPq
— Vjosa Osmani (@VjosaOsmaniMP) December 12, 2020