Foto - Valon Kaqanolli - KALLXO
Një i lënduar në një aksident në Prishtinë - VIDEO
02.8.2023 - 13:41
Një person (ngasës i motoçikletës) ka pësuar lëndime trupore si pasojë e një aksidenti që ka ndodhur mes dy automjeteve dhe një motoçiklete në rrugën “Arbnor dhe Astrit Dehari”.
Rastin për KALLXO.com e ka konfirmuar zëdhënësja e Policisë për Rajonin e Prishtinës, Flora Ahmeti.
“Rreth orës 11:30 në rrugën “Arbnor dhe Astrit Dehari” Prishtinë, ka ndodhur një aksident trafiku në mes të dy automjeteve dhe një motoçiklete. Si pasojë e aksidentit një person (ngasësi i motoçikletës), ka pësuar lëndime trupore”.
Ahmeti shtoi se me rastin po merret njësiti i trafikut.