Foto-ilustrim
Nga sot rifillojnë punën linjat e autobusëve Gjilan-Prishtinë
Komuna e Gjilanit ka njoftuar se është ndërprerë protesta e transportueseve në Gjilan.
Puna do të fillojë në të gjitha linjat e mëhershme.
Në njoftim thuhet se në takimin e përbashkët me shoqatën e transportuesve “Anamorava” dhe menaxhmentin e NPL “Stacioni i Autobusëve”, është arritur mirëkuptim për vazhdimin e marrëveshjes bazë të nënshkruar me shoqatën e transportuesve “Anamorava” për lirimin prej 50 % për peron deri me 15 Shtator 2020 dhe largimi i taksistëve ilegal.
Komuna gjithashtu njofton se në bashkëpunim më Inspekcionin dhe Policinë do vazhdojnë punën në terren për parandalim të operimit të taksive ilegalë.
“Komuna e Gjilanit, respektivisht Dejtoria e Inspekcionit dhe inspektorët komunalë në bashkëpunim me Policinë e Kosovës do të intensifikojnë aktivitetet për mbikëqyrjen në kuadër të kompetencave ligjore dhe përgjegjësive që kanë të vazhdojnë me aktivitete të rregullta në teren, për të parandaluar operimin e taksive ilegalë,” thuhet tutje në njoftim.
Protesta e Transportueseve në Gjilan filloi nga dita e hënë me vazhdim edhe të martën si shkak i humbjeve që nuk u ishin kompensuar nga qeveria gjatë kohës së pandemisë.
Kërkesë e tyre po ashtu ishte që të mos paguhej taksa hyrëse në stacion si dhe largimi i taksive ilegalë që po i dëmton si biznese.
VIDEO – Gjilan, autobusët bojkotojnë punën për shkak të tarifës hyrëse në Stacion