Ilustrim
Nëntë persona të vdekur në aksidente rrugore vetëm në muajin korrik 2021
Vetëm gjatë muajit korrik të këtij viti, 9 persona kanë vdekur si pasojë e aksidenteve rrugore në Kosovë.
“Gjatë muajit korrik 2021 në Republikën e Kosovës kanë humbur jetën 9 persona në aksidente të trafikut. 1 shofer, 2 motoçiklistë, 5 pasagjer dhe 1 këmbësor”, thuhet në njoftimin e Policisë së Kosovës.
Në raport me muajin qershor, numri i persona të vdekur ka rënë, pasi që gjatë muajit qershor numri i personave që kishin vdekur si pasojë e aksidenteve në trafik ishte 14.
Gjatë vitit 2020 numri i personave që kishin vdekur si pasoje e aksidenteve të trafikut ishte 81.
Në anën tjetër vetëm përgjatë 24 orëve të fundit, policia ka njoftuar se ka gjobitur 1 mijë e 653 pjesëmarrës në trafik, për shkak të shkeljeve të rregullave të komunikacionit rrugor.