Mosmarrëveshja në trafik përfundon me nxjerrjen e armëve në Viti – Policia jep detaje
30.12.2023 - 08:43
Një qytetar në Viti ka përfunduar nën prangat e Policisë së Kosovës për shkak të kanosjes me arme zjarri të një personi tjetër.
Sipas Policisë së Kosovës, i dyshuari dhe viktima kishin pasur një mosmarrëveshje në trafik, ku i dyshuari pastaj kishte nxjerr armën dhe kishte kanosur viktimën.
Policia e Kosovës ka reaguar duke e arrestuar të dyshuarin. Të njëjtit i është konfiskuar arma e zjarrit dhe një karikator me 4 fishekë të kalibrit 6mm.
Pas arrestimit, me vendim të prokurorit, i dyshuari është liruar në procedurë të rregullt.