Kurti e Gërvalla udhëtojnë për në Gjermani për të marrë pjesë në Konferencën e Sigurisë në Mynih

Kryeministri Albin Kurti dhe ministrja e Punëve të Jashtme, Donika Gërvalla- Schwarz, më 15.02.2024, kanë udhëtuar për në Mynih të Gjermanisë, për të marrë pjesë në Konferencën e Sigurisë (Munich Security Conference), e cila do të mbahet nga 16.02.2024 deri më 18.02.2024.

Lajmin për udhëtimin e Kurtit e ka dhënë Zyra e Kryeministrit, ndërsa për udhëtimin e Gërvalles ka njoftuar MPJD.

Në njoftimin e Ministrisë së Punëve të Jashtme dhe Diasporës të Kosovës thuhet se ministrja Gërvalla përveç pjesëmarrjes në panele diskutimi, do të mbajë takime bilaterale me homologë nga shtete të ndryshme të Europës dhe botës, eurodeputetë, deputetë nga shtete të ndryshme, përfaqësues të institucioneve ndërkombëtare, shoqërisë civile, mediave.

Sipas MPJD, pjesëmarrja në këtë konferëncë është një mundësi e mirë për të paraqitur qëndrimet, për të diskutuar sfidat e sigurisë në Ballkanin Perëndimor, politikat dhe veprimet që duhet ndërmarrë si dhe koordinimin me shtetet aleate në ruajtjen dhe promovimin e sigurisë në rajon, Evropë dhe botë.

Konferenca e Sigurisë së Mynihut është forumi kryesor në botë për debatimin e politikave ndërkombëtare të sigurisë. 

Gjatë konferencës kryesore të MSC në shkurt, mbledhen më shumë se 450 vendimmarrës të profilit të lartë dhe të lartë, si dhe liderë të mendimit nga e gjithë bota, duke përfshirë krerët e shteteve, ministra, personalitete udhëheqëse të organizatave ndërkombëtare dhe joqeveritare, të lartë. – rangimi i përfaqësuesve të industrisë, medias, akademisë dhe shoqërisë civile, për t’u përfshirë në një debat intensiv. 

Konferenca e Mynihit mbahet që nga viti 1963.