Kompania 'Pastërtia' në Prishtinë nuk arrin të mbledh mbeturinat, shkaku një problemi me kamion
30.8.2023 - 19:57
Disa banorë të lagjes “Qëndresa”, në Prishtinë kanë treguar për KALLXO.com që ka disa ditë që nuk është bërë grumbullimi i mbeturinave në këtë zonë.
Arbnore Ademi, zëdhënëse e Kompanisë Rajonale për Menaxhimin e Mbeturinave “Pastrimi”, ka thënë se largimi i mbeturinave bëhet ditën e premte, por ka theksuar një problem se pse nuk është kryer në kohë.
“Ju njoftojmë që shërbimi i largimit të mbeturinave në lagjen “Qëndresa” kryhet ditën e premte, mirëpo për shkak të defektit në kamion s’ka mundur të kryhet” – tha Ademi.
Ajo ka thënë se do të bëhet mbledhja e mbeturinave.
“Ekipet e Kompanisë “Pastrimi”, do të bëjnë largimin e këtyre mbeturinave para orarit që është e parashikuar për kryerje të shërbimit”-ka shtuar ajo.