Foto: Urim Krasniqi/KALLXO.com
Kica-Xhelili: Qeveria të tregojë se përse Kosova nuk është pjesë e Programit të Evropës Digjitale në vlerë 7.5 miliardë euro
Deputetja e Lidhjes Demokratike të Kosovës, Doarsa Kica Xhelili, ka kërkuar nga Qeveria që të shpjegojë se përse Kosova nuk është pjesë e Programit të Evropës Digjitale në vlerë prej 7.5 miliardë euro.
Sipas Kica- Xhelilit, pjesë e këtij programi janë Shqipëria, Serbia, Mali i Zi dhe Maqedonia e Veriut.
“Le t’i tregojë Qeveria sot gjithë sektorit digjital të Kosovës, pse Kosova nuk është pjesë e Programit të Evropës Digjitale në vlerë prej 7.5 miliardë euro, ndërkaq Shqipëria, Serbia, Mali i Zi e Maqedonia e Veriut po”- ka shkruar ajo në Facebook.
Sipas deputetes, rinia e Kosovës e ka merituar më shumë se çdo rajon të jetë pjesë e këtij programit, teksa ka pyetur Qeverinë se nëse kjo është “masë e jo sanksion”.
“Kosova s’ka shumë që u përzgjodh si TechHub i Ballkanit për shkak të kapaciteteve të jashtëzakonshme të rinisë tonë. E para në rajon dhe e 11-ta në Evropë. E merituam më shumë se kushdo në rajon. Sa teori, praktika e politika shtesë izolacioniste na duhen për të kuptuar sa mbrapshtë e konceptojnë këta “zhvillimin” e vendit? Apo edhe kjo është veç “masë” e jo sanksion? Mëkat, turp, dështim e çka jo!”- thuhet në reagimin e Kica-Xhelilit.
“Shtetet anëtare janë të gatshme të marrin masa të mëtutjeshme nëse nuk shihet progres. Ata kanë thënë se nga shtetet që aspirojnë të jenë pjesë e BE-së presim sjellje evropiane. Në ditët në vijim do të vazhdojmë kontaktin me dyja palët. Por, shtetet anëtare janë të gatshme të jenë aktive e të na përkrahin në punën tonë”- ka deklaruar Borrell. “Masat do të shohim, ato janë politike dhe financiare. Shtetet anëtare mund të konsiderojnë masat politikë për të limituar kontaktet politike, e po ashtu masat financiare, varësisht nga sjellja e tyre”- shtoi ai.
