Hoti i shkruan letër Osmanit për raportimin në Kuvend pas takimit në Bruksel

Kryeministri i Kosovës, Avdullah Hoti i është drejtuar me një letër kryetares së Kuvendit, Vjosa Osmani në të cilën ka shprehur gatishmëri për të raportuar në Kuvend rreth takimit të tij në Bruksel, në kuadër të dialogut Kosovë-Serbi.

Pranimin e letrës së Hotit e kanë konfirmuar për KALLXO.com nga kabineti i kryeparlamentares Osmani.

Hoti ka kërkuar që kjo mundësi për të njoftuar Kuvendin rreth takimit, t’i ipet në ndonjërën prej seancave të ardhshme të legjislativit.

Hoti: Nuk ka dialog teknik, ka dialog për marrëveshje finale me njohje reciproke