Hetuesit policor dalin para gjykatës
Dy hetues policorë të krimeve të rënda dhe një rreshter i po të njëjtit departament kanë dalë para gjykatës për t`iu caktuar masa e sigurisë.
Në këto momente vetëm se ka filluar edhe seanca e procedurës paraprake ku pritet qe të caktohet masa e sigurisë.
Gjyqtaria e rastit është Alltëne Murseli.
Seanca për caktimin e masës së sigurisë po mbahet e mbyllur dhe pa pranin e mediave apo publikut.
Hetuesi Lavdim Osmani, Lutfi Menxhiqi dhe një rreshter i Krimeve Ekonomike do të përballen me sistemin e drejtësisë për shkak të veprave penale, keqpërdorim i detyrë zyrtare, marrje ryshfeti.
KALLXO.com raportoi vazhdimisht në lidhje me këto arrestime të cila i kreu Inspektorati i Policisë së Kosovës.
I njëjti është familjar i drejtuesit të Departamentit për Hetimin e Krimeve Ekonomike dhe Korrupsionit, Bashkim Spahiut.
Një Kryeinspektor në Agjencinë e Regjistrit Civil në MPB është arrestuar gjithashtu gjatë ditës së djeshme, një rreshter në Departamentin e Krimeve Ekonomike dhe Korrupsionit si dhe një afarist nga Kaçaniku.
Dyshimet ishin se rreshteri kishte disa lëndë të afaristit kaçanikas dhe përmes kryeinspektorit të MPB-së merrej ryshfeti për përfundimin e rasteve.