Foto: Afrim Ejupi / KALLXO.com
Gjendet i vdekur një person në Kçiq të Mitrovicës
15.1.2023 - 21:13
Një person i moshës madhore është gjetur i vdekur afër lumit Sitnica në fshatin Kçiq të Mitrovicës.
Këtë për KALLXO.com e ka konfirmuar Avni Zahiti, zëdhënës i Policisë së Kosovës.
Zahiti tha se me autorizim të prokurorit kanë nisur hetimet për identifikimin e viktmës dhe zbardhjen e rrethanave të rastit.
“Rreth orës 16:50, është raportuar se në fshatin Kçiq të Mitrovicës, afër lumit Sitnica, është gjetë pa shenja jete një person i moshës madhore. Hetuesit policor me autorizim të prokurorit kan nisur hetimet për identifikimin e viktimës dhe zbardhjen e rrethanave të rastit”- tha ai.
Ndërkaq me urdhër të prokurorit trupi i viktimës është dërguar për obduksion dhe rasti po cilësohet si vdekje e dyshimtë.