Gjendet e vdekur një 25-vjeçare në Prishtinë
29.6.2022 - 16:48
Një vajzë 25-vjeçare është gjetur e vdekur në rrugën “Lekë Dukagjini” në Prishtinë sot rreth orës 14:30.
Lajmin për KALLXO.com e ka konfirmuar Agron Borovci, zëdhënës në Policinë e Kosovës.
“Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, ka thënë Borovci.